KANDIDATËT PËR DEPUTET NË KUVENDIN E REPUBLIKËS SË KOSOVËS NGA KOMUNA E LIPJANIT PËR ZGJEDHJET 2010
 KANDIDATET NGA PDK-ja
Arsim Bajrami:
 lindi më 19 mars 1960 në fshatin Medvec, komuna e Lypjanit. Shkollën fillore e kreu në vendlindje, kurse shkollimin e mesëm në Lypjan. Studimet universitare në drejtësi i përfundoi me sukses të shkëlqyeshëm në vitin 1983, gjatë të cilave ishte bursist i Universitetit të Prishtinës dhe laureat i çmimit "Student i Dalluar".Në vitin 1985, z. Bajrami mbaroi studimet pasuniversitare në fushën e së drejtës kushtetuese për t'u pranuar më pas asistent për lëndën "E drejta kushtetuese" dhe "Sistemi politik" në Fakultetin Juridik të Universitetit të Prishtinës. Studimet e doktoratës në temën "Aspekti normativ i mëvetësisë së Kosovës në periudhën 1945-1994" i përfundoi me sukses të dalluar në vitin 1996.
Krahas shkollimit dhe angazhimit si mësimdhënës e ligjërues, z. Bajrami u specializua në disa qendra universitare botërore (SHBA, Britani të Madhe, Itali, Hungari, Gjermani etj.) dhe ka qenë pjesëmarrës i një varg simpoziumesh shkencore dhe konferencash ndërkombëtare. Megjithëse krijimtaria e z. Bajrami shtrihet në shumë fusha të interesimit shkencor, veçanërisht në fushën juridike-kushtetuese, angazhimi dhe përvoja si konstitucionalit (duke qenë bashkëhartues i katër kushtetutave nacionale) përbëjnë një ndër pikat kulminante që e profilizon veprimtarinë e tij. Krahas angazhimeve akademike dhe profesionale, z. Bajrami ka ushtruar edhe funksione të rëndësishme publike dhe shoqërore në Kosovë, nga të cilat do veçoheshin angazhimi i tij si ekspert ligjor në delegacionin kosovar në Rambuje, Francë (1998), zv. ministër i Drejtësisë në Qeverinë e Përkohshme të Kosovës (1999), deputet në Kuvendin e Kosovës (2001) dhe Rektor i Universitetit të Prishtinës (2004). Ministër Bajrami është autor i dhjetëra librave universitarë dhe punimeve shkencore në fushën e së drejtës kushtetuese dhe sistemeve të krahasuara të qeverisjes. Z. Bajrami ka dy fëmijë dhe jeton në Prishtinë.  Fitim Selimi
U lind në fshatin Banullë të Lipjanit më 30.11.1960. Shkollën fillore e kreu në vendlindje ndërsa Gjimnazin në Lypjan. Më 1978 fillon studimet ne Fakultetin e Mjekësisë në Prishtinë. Për shkak te angazhimeve kombëtare disa herë arrestohet nga pushteti okupues serb. Arrinë të iu rikthehet studimeve për ti përfunduar ato më 1993. Në këtë periudhë angazhohet në aktivitete humanitare shëndetësore si dhe në ato politike e kombëtare në funksion të sistemit të pavarur shtetëror të Kosovës. Me fillimin e lëvizjeve të armatosura për çlirim, angazhohet në radhët e UÇK-së, fillimisht si gjithë ushtarët, për tu profilizuar në drejtimin e institucioneve shëndetësore në kuadër të Ushtrisë Çlirimtar të Kosovës. Në këtë kohë kryen funksionin e Shefit te Sektorit te Shëndetësisë për Brigadën 121 “ Kumanova” pastaj edhe funksionin e përgjegjësit të Sektorit të Shëndetësisë pranë Shtabit te Përgjithshëm të UÇK-së. Në mbarim të luftës çlirimtare më 1999 angazhohet në Ministrinë e Shëndetësisë në Qeverinë e Përkohshme të Kosovës në funksionin e Drejtorit të Drejtorisë së Spitaleve. Më 2000 në kuadër të Institucioneve të Përkohshme vetëqeverisëse të Kosovës, nga kryeadministratori i atëhershëm Bernard Kushner emërohet në cilësinë e Drejtorit Regjional për Shëndetësi në regjionin e Prishtinës. Në këtë periudhë vazhdon punën në QKUK, në arritjen e përvojës profesionale specialistike në Kirurgjinë e Krahërorit. Më 2003 mbaron specializimin nga kirurgjia torakale dhe krijon marrëdhënie të rregullt pune specialist i kirurgjisë torakale në Departamentin përkatës ne QKUK. Njëkohësisht vijon edhe studimet postdiplomike në lëmin e kirurgjisë. Gjatë kësaj kohe gjithashtu merr pjesë aktive në aktivitete shkencore brenda dhe jashtë vendit ku për temë trajtimi ishin çështjet profesionale nga lëmi i kirurgjisë. Gjithashtu prezantohet si autor dhe koautor me një numër punimesh të kësaj natyre. Kryen funksione në udhëheqjen komunale në Lypjan. Aktualisht kryen funksionin e Shefit të repartit Klinik të Kirurgjisë Torakale në Klinikën e Kirurgjisë të QKUK-së. Është anëtar i Shoqatës së Mjekëve të Republikës së Kosovës dhe Shoqatës së Kirurgëve Torakal të Evropës.
 Ramë Buja
I lindur më 05.12.1958 në Bujan (Lipjan).I martuar, baba i 3 fëmijëve
Arsimimi Doktor i Shkencave Politike (Universiteti i Prishtinës, shkurt 2006); , Magjistër i Shkencave Juridike (Universiteti i Prishtinës, mars 2004); Ekonomist i diplomuar (Universiteti i Prishtinës, korrik 1993); Profesor i Letërsisë dhe Gjuhës Shqipe (Universiteti i Prishtinës, shkurt,1990); Shkolla e Mesme Teknike, (Lipjan, qershor, 1977). Deputet dhe anëtar i Kryesisë së Kuvendit të Kosovës (Legjislatura II, nga nëntori, 2004); Këshilltar politik në Ministrinë e Shërbimeve Publike (mars 2003 - tetor 2004); Bashkëdrejtues i Departamentit të Pushtetit Lokal (shkurt 2000 - korrik 2000); Ministër në Ministrinë e Pushtetit Lokal (Qeveria e Përkohshme, prill 1999 – shkurt 2000 ); Anëtar i Shtabit të Përgjithshëm të UÇK-së dhe anëtar i Drejtorisë Politike të SHP të UÇK-së (nëntor 1998 – prill 1999); Kryeshef i Drejtorisë për Marrëdhënie Publike dhe Administrim Civil në SHP të UÇK-së (qershor 1998 – prill 1999); Anëtar i Delegacionit të Kosovës në Konferencën e Rambujesë (shkurt, mars 1999); Ka punuar arsimtar në Shkollën e Mesme Profesionale, në Shtime, ligjërues në Universitetin AAB, në Prishtinë, në Kolegjin e Arteve dhe Shkencave Sociale „FAMA“, në Prishtinë, në Akademia Diplomatike Shqiptare, në Tiranë dhe në Kolegjin e Arteve dhe Shkencave Sociale, në Prishtinë (bashkëpunëtor shkencor). Është anëtar i NISPAcce – Network of Institut and Schools Publik Administration (Rrjeti i Instituteve dhe Shkollave Administratës Publike të Evropës Qendrore dhe Jug-Lindore. |
|
VEREJTJE:Organizata Joqeveritare YAHR nuk mban asnje pergjegjesi per mos prezentimin e kandidateve nga subjektet tjera partiake, si mungese e mos dergimit te informacioneve tek ne nga ana e kandidateve per deputet ne Kuvendin e Republikes se Kosoves nga Komuna e Lipjanit.
